Arte di Palabra, kompetensia di kuenta, poema, rap i haiku na Papiamentu pa studiante di skol secundario ta tuma lugá e aña aki pa di 25 biaha na Kòrsou, gracias na sosten di Cultuurfonds Caribisch Gebied. Fundashon Arte di Palabra ta organisá huntu ku Departamento di Kultura Aruba (DCA) i SKAL Bonaire e final di Arte di Palabra 2024 entre Aruba, Boneiru i Kòrsou e aña aki na Kòrsou. Aparte di e kompetensia lo tin un programa di interkambio pa e delegashonanan di tur tres islanan. E enfoke ta riba fortalese e lazo entre e tres islanan. E enkuentronan lo wordo grabá (inklusief live) i lo ta mirabel na tur tres islanan.
Nos ta orguyoso i felis ku nan por logra posibilitá e proyekto maravilloso aki atrobe!
