E bida infinito di Doña Lisa, di e original Het hiernamaals van Doña Lisa ta trata di loke Eric de Brabander a yega di yama ‘kuenka di e orkestra kakofóniko di Caribe’. E trata ademas di sobrebibensia, pero riba tus kos, di bida digno di ser humano.
Ta djabièrne 30 di mei di 1969 ora Boyo Raven mira kon un molotovcocktail ta kima su konsultorio di dentista laga shinishi so. Un wèlga di obrero ta resultá den violensia. ‘Niun hende no ta skapa di e poder di destino’. E palabranan akí di tata di Boyo ta zona menasante. Den su boto bieu di piskadó, Boyo ta kue rumbo pa Venezuela, bai laga un Kòrsou na kandela, huntu ku su amigo Kai, piskadó I nan amigo JonJon, kondená na un ròlstul kende ta konsiderá ku su bida a dura demasiado larga kaba.
Na Tucacas Boyo ke laga traha un boto lobo, bashá den ún solo malchi. E ta namorá di e viuda Doña Lisa, doña di e fábrika di polièster. Boyo ta hañ’é den un lucha mortal pa poder ku un desaroyadó. Na cared e hòmernan ta subi laman den nan barku nobo batisá ku e nòmber ‘Doña Lisa’ pa un baize large di regreso pa Kòrsou. Ku kua propósito? Parse ku e palabranan di sabiduria di Boyo su tata atrobe ta bai bira realidat.
