Elis Juliana (1927) ta un kuentista famoso, un poeta konosí i un konosedó di kultura. Elis Juliana a risibí entre otro Premio Cola Debrot na 1973 i 1977, Chapi di plata na 1986 i Zilveren Anjer na 2008.
Wazo, esta Elis Juliana, a keiru rònt Kòrsou, studia hende i opservá nan den nan bida diario. Den 121 kuenta, ku humor i ironia, Wazo ta deskribí vários forma di pensa, sinti i komportá di nos hendenan i di diferente otro nashonalidat ku a biba den su bario. Wazo riba ròndu ta respirá e ambiente i e papiá ku zjeitu di añanan sesenta di siglo 20 na Kòrsou.
