“Mardugá grandi
den un lachi bandoná
Sin por pega soño
mi ta rekordá
kon mi a ser kreá
Kon riba melodia straño
di un humano su sintí
man robes a gara pèn
but’é marka paso sin stòp
Kon pistanan blanku di baile
a keda transformá
den profetanan inmortal
di obranan maestral
Kon a kompilá testigunan
pa awe mi port t’ei
un buki die poesi
a ku no ke keda bandoná
Ku ta roga un man
pa habri mi
duna mi atenshon
Dos wowo pa habri
i wak ki kreashon”
Outor Jesmelys Zink Angelista
(1999) ta di kurason un eskritor i deklamadó. “Djawe pa mañan” ta su promé kolekshon di (30) poema. E meta prinsipal di e buki ta reflehá den su título. Kual ta pa medio di un mensahe tras di kada poema, laga e lesadó para ketu i pensa awe, kon lo e alkansá su mihó mañan i rekord’é ku no tin tempu pa pèrdè, pasó ta djawe pa mañan, mañan lo bira awe.
