Después ku Joyci Lamooi tuma nota ku e ta na estado di William, su frei ku no ta apresiá pa tur miembro di famia pa motibu di su koló, e ta tuma un desishon drástiko. Un desishon di rabia pa e desengaño di William, ku ta kòrta su orea e promé biaha ku nan pasa un par di dia for di otro. Un deshishon di bèrgwensa i pa miedo di pèrdè amor di su mama ku e tabatin un bon relashon kuné. E ke ta leu for di menospresio i papiamentu di su famia. Ademas e ta tristu pasobra el a defroudá su tata.
Joyci ta disididu pa trese su yu na mundu i lant’é su so. E ta kea ku tur hòmber. Sinembargo no semper kurason ta bati mésun ritmo ku konsenshi i Joyci ta hañ’é den un montaña ruso di sintimentu ku ta pon’é evaluá su desishon.
