Ku e obra akí nos ta pone na alkanse di e mayor, maestro, alumno i studiante di sekundario un instrumènt didáktiko pa repasá i siña disciplina ku ta enserá materia di Biologia Humano. E obra ta ofresé e mayor, maestro i studiante oportunidat pa relashoná elementunan teóriko di e materia ku nan referensia real mediante ilustrashon, kuadro i ehèmpel.

E obra aki ta ofresé ken ku ta interesá na amplia su konosementu di anatomia humano, un guia efikas pa eksplorá e mundu amplio di konosementu, partikularmente den lenga Papiamentu. Pa maestronan e lo sirbi pa familiarisá ku e vokabulario amplio na Papiamentu ku fin di por transmití konosementu i lanta interes pa konosementu di funshon i komposishon di kurpa humano den su alumno i studiantenan. Pa e mayor nan lo ta fuente di konosementu pa guia i stimulá yunan den nan propio lenga materno i asina satisfasé nan kuriosidat. Pa profeshonalnan den salubridat esaki lo ta un fuente indispensable pa vèrsa nan mes di terminologia na Papiamentu. Lo e desaroyá e posibilidat, basando riba e terminologia aki, na fasilitá estudio i práktika di nan materianan profeshional den lenganan spaño, ingles, potugues, franses I italiano pa e simpel echo ku nos tur ta usa e mesun terminologia.